निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
पोखरा । कास्की पोखरा महानगरपालिका वडा नं. ३ स्थित रहेको अस्थायी प्रहरी पोष्ट नदिपुर कास्कीमा महिला प्रहरी कर्मचारीहरुबाट मात्र सेवा शुभारम्भ गरिएको छ ।
कार्यक्रममा प्रमुख जिल्ला अधिकारी भरतमणी पाण्डेले महिला कर्मचारीहरुबाट विभिन्न कार्यालयहरुबाट सेवा दिँदा अनुशासित तथा उत्कृष्ट कार्य भई रहेको र यस अस्थायी प्रहरी पोष्टबाट समेत न्याय, समानता र सुरक्षा सम्बन्धी सेवामा सुधार ल्याउन, समाजमा शान्ति सुरक्षा, लैङ्गिक समानता प्रबर्धन गर्ने कार्यमा राम्रो सेवा प्रवाह हुने धारणा व्यक्त गरे।
प्रहरी उपरीक्षक श्यामबाबु ओलियाले कास्की जिल्लामा महिला प्रहरी कर्मचारीबाट उत्कृष्ट कार्यहरु भईरहेको र महिला प्रहरी कर्मचारीहरुमा नेतृत्व विकास तथा क्षमता अभिवृद्धी गर्ने उद्देश्यले अस्थायी प्रहरी पोष्ट नदिपुरलाई महिला प्रहरी कर्मचारीहरुको कमाण्डमा सेवा शुभारम्भ गरी महिला सशक्तिकरण र सुरक्षाको क्षेत्रमा नयाँ अध्यायको थालनी भएको बताए ।
