निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमाैली । तनहुँको बन्दीपुर गाउँपालिका–६ का वडा सचिव नविन भुषाललाई कुटपिट गर्ने वडाध्यक्ष बलबहादुर गुरुङ विरुद्ध दश दिनको म्याद थप भएको छ।
सोमबार कार्यालय समयमै सचिव भुषाललाई कुटपिट पश्चात् पक्राउ परेका वडाध्यक्ष गुरुङ विरुद्ध जिल्ला प्रहरी कार्यालय तनहुँले जिल्ला प्रशासन कार्यालयबाट दश दिनको म्याद थप गरेको हो ।
निज विरुद्ध अभद्र व्यवहार मुद्धा शीर्षकमा म्याद थप गरिएको प्रहरी निरीक्षक राजु अधिकारीले जानकारी दिए ।
भलिबल खेल सञ्चालनको भुक्तानी प्रकृया अगाडी बढाउने सम्बन्धमा विवाद हुँदा वडाध्यक्ष गुरुङले सचिव भुषाललाई कुटपिट गरेको प्रहरीले जनाएको छ ।
घाइते भुषाललाई बन्दीपुर अस्पतालमा प्राथमिक उपचार पश्चात् थप उपचारका लागि चितवन पठाइएको छ ।
