निष्पक्ष र विश्वसनीय खबरको सँगालो 
Khabar Punja
२९ जेष्ठ २०८२, बिहीबार
दमाैली, १८ जेठ । तनहुँको पर्यटकीय नगरी बन्दीपुरमा विदेशी चलचित्र टासीको छायाङ्कन सुरु गरिएको छ । पहिलो सगरमाथा आरोही तेञ्जिङ नोर्गे शेर्पाको कथामा आधारित उक्त चलचित्रको आजदेखि बन्दीपुरमा छायाङ्कन सुरु भएको हो ।
बन्दीपुरमा उक्त चलचित्रको छायाङ्कनका लागि बन्दीपुर बजारलाई पुरानो शैलीमा सिङ्गारिएको छ । बन्दीपुरलाई पुरानो दार्जिलिङ बनाएर छायाङ्कन गर्न लागिएको हो । करिब एक साताको तयारीपश्चात् आजदेखि चलचित्रको छायाङ्कन सुरु गरिएको हो ।
बन्दीपुर आसपासका विभिन्न उमेर समूहका करिब तीन सय जना स्थानीयवासीलाई दैनिक रु एक हजारदेखि रु एक हजार पाँचसम्म पारिश्रमिक दिएर कलाकारको रुपमा प्रयोग गरिएको छ । बन्दीपुरमा तीन दिनसम्म चलचित्रको छायाङ्कन हुने जनाइएको छ ।
बन्दीपुरमा विदेशी चलचित्रको छायाङ्कनले यस क्षेत्रको पर्यटन प्रबद्र्धनमा ठूलो टेवा पुग्ने बन्दीपुर भ्रमण वर्ष २०२५ का संयोजक वैशबहादुर गुरुङले जानकारी दिए । उनले भने, “विदेशी चलचित्रको छायाङ्कनका लागि बन्दीपुर रोजाइमा पर्नु हाम्रा लागि खुसीको कुरा हो । यसले यहाँको पर्यटन प्रबद्र्धन गर्न सहयोग पुग्नेछ ।”
सन् १९५३ मा आरोही शेर्पाको नेतृत्वमा सर्वोच्च शिखर सगरमाथा आरोह गरिएका कथावस्तुलाई आधार बनाएर चलचित्र निर्माण गर्न लागिएको जनाइएको छ । अमेरिकी कम्पनी एप्पले यो चलचित्रको निर्माण गर्न लागेको हो ।
