निष्पक्ष र विश्वसनीय खबरको सँगालो 
Khabar Punja
१० श्रावण २०८२, शनिबार
दमाैली, ५ असार । तनहुँ जिल्ला क्रिकेट सङ्घको आयोजनामा व्यास नगरपालिका–५ पाटनमा जारी क्लव स्तरीय टि २० क्रिकेट प्रतियोगितामा दमौली क्रिकेट क्लव नौ विकेटले विजयी भएको छ ।
दमौली क्रिकेट क्लवले आज भएको दोस्रो खेलमा हिमालय स्पोर्टस् एकेडेमीलाई नौ विकेटले पराजित गरेको हो ।
टस जितेर व्याटिङ गरेको हिमालयले १९.३ ओभरमा दश विकेट गुमाउँदै एक सय ३४ रनको लक्ष्य प्रस्तुत गरेको थियो । हिमालयका लागि कृष्णनन्दन यादवले दश, अमृत सिंहले चार, इशान श्रेष्ठले दुई, देव राईले १३, विशेष भट्टले ४५, विराज शाहले दश, अधिराज पटेलले २४, गौतम भट्टले ११, विजय श्रेष्ठले दुई र प्रकाश आचार्यले चार रन जाेडे ।
जवाफी व्याटिङमा उत्रिएको दमौली क्रिकेट क्लवले ९.१ ओभरमा एक विकेटको क्षतिमा लक्ष्य भेटायो । दमौलीका लागि इम्रान शेषले ६३ र अमृत गुरुङले ६२ रन जाेडे ।
