काठमाडाै, ६ असार । स्कटल्याण्डमा भएको त्रिदेशीय ट्वान्टी–२० अन्तर्राष्ट्रिय शृंखला अन्र्तगत निर्णायक खेलमा नेपाल पराजित बनेको छ । अन्तिम खेलमा नेपाललाई ३४ रनले हराउँदै स्कटल्याण्ड सिरिजको च्याम्पियन बनेको हो ।
अन्तिम खेलमा स्कटल्याडले नेपाललाई १९४ रनको लक्ष्य दिएको थियो। नेपाल १५९ रनमै समेटियो । शृङखलामा तीनै टिमले २–२ जित हात पारेपनि नेटरनरेटका आधारमा स्कटल्याण्ड विजयी भएको हो । नेपाल दोस्रो बनेको छ ।
पहिलो खेलमा नेपाल नेदरल्याड्ससँग सुपरओभरमा पराजित भएको थियो भने दोस्रो खेलमा स्कटल्यान्डलाई पराजित गरेको थियो । तेस्रो खेलमा नेदरल्याड्सलाई पराजित गरेकोमा चौथो खेलमा नेपालले कमजोर प्रदर्शन गरेको हो ।
टस जितेर पहिले ब्याटीङ गरेको स्कटल्याण्डले २० ओभरमा ५ विकेट गुमाएर १९३ बनाएको थियो । ब्याटीङतर्फ रुपेश सिंह ४३ रनमा नटआउट रहे । त्यस्तै, दीपेन्द्रसिंह ऐरीले ३४, रोहित पौडेलले २७ बाहेक अन्य खेलाडीले सस्तोमै आउट भए।
बलिङतर्फ नेपालका कुशल भुर्तेलले २, रुपेश सिंह, ललित राजवंशी र सन्दीप लामिछानेले १–१ विकेट लिए। दीपेन्द्रसिंह ऐरीले ४ ओभरमा ५० रन तथा रिजन ढकालले ३ ओभरमा ३५ रन दिंदा विकेट लिन सकेनन् ।