निष्पक्ष र विश्वसनीय खबरको सँगालो 
Khabar Punja
१० श्रावण २०८२, शनिबार
दमाैली, ८ असार । गण्डकी प्रदेश कबड्डी सङ्घको आयोजना, प्रदेश खेलकुद परिषद्को प्रबद्र्धन तथा आर्थिक सहयोग र जिल्ला खेलकुद विकास समिति तनहुँको समन्वयमा दमौलीमा गण्डकी प्रदेशस्तरीय अन्तर जिल्ला पुरुष कबड्डी प्रतियोगिता हुने भएको छ । सोमबारदेखि बुधबारसम्म अन्तर जिल्ला पुरुष कबड्डी प्रतियोगिता हुन लागेको हो ।
प्रतियोगितामा प्रदेशका आठ जिल्लाको सहभागिता रहने जिल्ला खेलकुद विकास समिति तनहुँका अध्यक्ष अनिल पाण्डेले जानकारी दिए । उनका अनुसार प्रतियोगितामा तनहुँ, गोरखा, नवलपुर, कास्की, स्याङ्जा, पर्वत, बागलुङ र म्याग्दीको सहभागिता रहनेछ ।
सोमबारको खेल व्यास नगरपालिका–३ बास्केटबल कोर्टमा र मङ्गलबार र बुधबारको खेल व्यास नगरपालिका–१ फुटसल मैदानमा हुनेछ ।
