निष्पक्ष र विश्वसनीय खबरको सँगालो 
Khabar Punja
२२ मंसिर २०८२, सोमबार
काठमाडौ, १८ असाेज । धरानबाट पाँचथर जाँदै गरेको बलेरो जीप तमोर नदीमा खसेको छ । तमोर नदी क्षेत्रमा जीप खस्दा छ जनाको मृत्यु भएको पाँचथरका प्रमुख जिल्ला अधिकारी अरुण पोखरेलले जानकारी दिए । उनका अनुसार अहिलेसम्म घटनास्थलबाट पाँचजनाको शव निकालिएको छ भने अर्को एउटा शव निकाल्ने तयारीमा छ ।
उनले बाह्रखरीसँग कुरा गर्दै छ जना घाइते भएको र तीमध्ये एक जनालाई उपचारका लागि फिदिम पठाइएको र बाँकी पाँच जनालाई धरान पठाइएको बताए ।
कोसी प्रदेशका प्रहरी प्रमुख तथा डीआईजी ईश्वर कार्कीले दिएको जानकारीअनुसार धरानबाट पाँचथर जाँदै गरेको जीप तमोर नदीमा खसेको हो । जीप कम्तिमा पनि पाँच सय मिटर तल खसेको उनले जानकारी दिए । (बाह्रखरीबाट)
