निष्पक्ष र विश्वसनीय खबरको सँगालो 
Khabar Punja
१९ मंसिर २०८२, शुक्रबार
काठमाडौं, १९ असोज शुक्रबार रातिदेखिको वर्षाका कारण देशभरमा गरेर अहिलेसम्म २० जनाको मृत्यु भएको छ । राष्ट्रिय विदप् जोखिम न्यूनीकरण व्यवस्थापन प्राधिकरणका अनुसार अविरल वर्षापछिको बाढी तथा पहिरो र डुबानबाट अहिलेसम्म देशभरमा २० जनाको मृत्यु भएको हो ।
जसमा सबैभन्दा बढी इलाममा मात्रै १८ जनाको मृत्यु भएको छ भने उदयपुर र खोटाङमा एक एक जनाको मृत्यु भएको प्राधिकरणका उपसचिव रामबहादुर केसीले जानकारी दिए ।
उनका अनुसार इलाममा मृतकको संख्या अझै बढ्न सक्ने अनुमान गरिएको छ । इलाममा भएका घाइतेको उद्दारका लागि इटहरीबाट नेपाली सेनाको हेलिकोप्टर पुगिसकेको भए पनि मौसम प्रतिकुलताका कारण फर्किन कठिनाइ भइरहेको केसीले बताए ।
प्राधिकरणका देशका विभिन्न ठाउँमा ११ जना बेपत्ता रहेका छन् । जसमा सबैभन्द बढी इलाममा ७ जना र रसुवामा ४ जना बेपत्ता रहेका हुन् । यस्तै इलाममा नै २ जना घाइते भएका छन् । (नेपाल प्रेसबाट)
