निष्पक्ष र विश्वसनीय खबरको सँगालो 
Khabar Punja
२९ बैशाख २०८३, बुधबार
दमौली, २४ असोज । जिल्ला प्रहरी कार्यालय तनहुँका प्रहरी नायब उपरिक्षक श्रवणकुमार विकले सूचना आदानप्रदानलाई सहज बनाउने बताएका छन् । हालै सरुवा भई आएका विकले शुक्रबार जिल्लास्थित पत्रकारहरुसँग अन्तरक्रिया गर्दै कार्यालयबाट हुने सूचनालाई सहज रुपमा सबै पत्रकारलाई उपलब्ध गराइने बताए ।
प्रहरीका हरेक कामको जानकारी सञ्चारमाध्यमबाट जनतासम्म पुग्ने उल्लेख गर्दै विकले भने, ‘प्रहरी र पत्रकारबीचको सम्बन्ध नङ र मासुको जस्तै हुन्छ । हामी हरेक काममा सहकार्य गर्दै जानेछौ ।’
प्रहरीले पत्रकारहरुबाट सधैं सकारात्मक सहयोगको अपेक्षा राखेको उनको भनाइ छ ।
विकले चाडपर्वलाई लक्षित गरी सुरक्षा योजना बनाइएको र सर्वसाधारणलाई ढुक्कसँग चाडपर्व मनाउने वातावरण सिर्जना गराउनु प्रहरीको दायित्व रहेको उल्लेख गरे ।
