निष्पक्ष र विश्वसनीय खबरको सँगालो 
Khabar Punja
२२ पुष २०८२, बुधबार
दमौली, २१ पुस । तनहुँको म्याग्दे गाउँपालिका–२ मा सञ्चालन गरिएको निःशुल्क दन्त शिविरको दोस्रो दिन सोमबार ७१ जनाले सेवा लिएका छन् ।
म्याग्दे गाउँपालिकाले नेलम्बो नेपाल कास्कीको सहकार्यमा सञ्चालित शिविरमा ७१ जनाले सेवा लिएका हुन् ।
शिविरमा १५ जनाको दाँत भर्ने (रेस्टोरेशन), १४ जनाको आरभीजी एक्स–रे, ४ जनाको रुट क्यानाल उपचार, १२ जनाको दाँत निकाल्ने, २६ जनाको दाँत सफा गर्ने, १२ जनाको इनामेलोप्लास्टी तथा १ जनाको इरिगेसन उपचार गरिएको गाउँपालिकाका स्वास्थ्य शाखा प्रमुख तिलक घिमिरेले जानकारी दिए ।
स्थानीय स्तरमै दन्त सेवा पाउँदा स्थानीय बासिन्दाहरू खुशी देखिएका थिए। नियमित दन्त उपचारका लागि टाढा जानुपर्ने बाध्यता हटेको भन्दै उनीहरूले यस्ता स्वास्थ्य शिविरलाई निरन्तरता दिन माग गरेका छन्।
