निष्पक्ष र विश्वसनीय खबरको सँगालो 
Khabar Punja
२२ पुष २०८२, बुधबार
दमाैली, २२ पुस । नेपाली कांग्रेसको विशेष महाधिवेशन आह्वानको पक्षमा तनहुँ जिल्लाका पार्टी नेता तथा कार्यकर्ताहरू एकबद्ध रूपमा उभिएका छन्। जिल्लाबाट २६ जना महाधिवेशन प्रतिनिधि तथा महासमिति सदस्य र पार्टीका विभिन्न तहमा महत्त्वपूर्ण जिम्मेवारीमा रहेका ३७ जनाले विशेष महाधिवेशनको आह्वानप्रति साझा भावना व्यक्त गरेका छन् ।
पार्टीको वर्तमान अवस्था, आन्तरिक संगठन सुदृढीकरण, नीति–कार्यक्रमको समीक्षा तथा भावी राजनीतिक रणनीति तय गर्न विशेष महाधिवेशन आवश्यक भएको उनीहरूको निष्कर्ष छ। लोकतान्त्रिक अभ्यासलाई सुदृढ बनाउँदै पार्टीलाई जनमुखी, समावेशी र सशक्त बनाउने उद्देश्यले विशेष महाधिवेशन अपरिहार्य रहेको उनीहरूले बताएका छन्।
नेताहरूले पार्टीभित्र देखिएका असन्तुष्टि, संगठनात्मक कमजोरी र समयानुकूल सुधारका विषयहरू विशेष महाधिवेशनमार्फत छलफल गरी समाधान गर्न सकिने विश्वास व्यक्त गरेका छन्।
