निष्पक्ष र विश्वसनीय खबरको सँगालो 
Khabar Punja
२८ पुष २०८२, मंगलवार
दमौली, २७ पुस । व्यास नगरपालिकाका मेयर एवं नेपाली काङ्ग्रेस तनहुँका निवर्तमान सभापति वैकुण्ठ न्यौपाने नेपाली काङ्ग्रेसले आह्वान गरेको विशेष महाधिवेशनमा सहभागी भएका छन् । पार्टीभित्र देखिएका सांगठनिक तथा नीतिगत विषयमा छलफल र निकास खोज्ने उद्देश्यले आयोजना गरिएको विशेष महाधिवेशनमा न्यौपानेको उपस्थितिलाई अर्थपूर्ण रूपमा हेरिएको छ।
विशेष महाधिवेशनमा सहभागिता जनाउँदै मेयर न्यौपानेले पार्टीलाई विधिसम्मत, लोकतान्त्रिक र संगठनात्मक रूपमा सुदृढ बनाउने विषयमा जोड दिएकाे बताइएको छ।
तनहुँ जिल्लामा लामो समयदेखि काङ्ग्रेसको संगठन विस्तार र मजबुतीमा सक्रिय भूमिका निर्वाह गर्दै आएका न्यौपानेले पार्टीभित्र उत्पन्न असमझदारीलाई संवाद र सहमतिमार्फत समाधान गर्नुपर्नेमा जोड दिएको बताइएको छ। उनकाे विशेष महाधिवेशनमा सहभागिताले तनहुँका काङ्ग्रेस कार्यकर्तामा थप उत्साह र भरोसा पैदा गरेको स्थानीय नेताहरूको भनाइ छ।
