निष्पक्ष र विश्वसनीय खबरको सँगालो 
Khabar Punja
१६ फाल्गुन २०८२, आईतवार
दमौली, १७ फागुन । नेपाल कम्युनिष्ट पार्टी (एमाले) (एमाले) का तर्फबाट तनहुँ क्षेत्र नम्बर १ का उम्मेदवार भगवती न्यौपानेले यसपटकको निर्वाचनमा तनहुँ–१ ले इतिहास रच्ने दाबी गरेकी छन् ।
अखिल नेपाल महिला संघ (अनेमसंघ) तनहुँको आयोजनामा आइतबार दमौलीमा सम्पन्न कोणसभालाई सम्बोधन गर्दै उनले एमालेको जित सुनिश्चित रहेको बताइन् । देशको स्वाधीनता जोगाउन र स्थायित्वसहितको विकासका लागि एमालेको विजय आवश्यक रहेको उनको भनाइ थियो।
उनले फागुन २१ गते हुने प्रतिनिधिसभा सदस्य निर्वाचनमा सूर्य चिन्हमा मतदान गरी आफूलाई विजयी गराउन आग्रह गरिन् । “जनताले दिनुभएको अमूल्य मतको गुन एक–एक गरेर चुक्ता गर्नेछु,” न्यौपानेले प्रतिबद्धता गरिन् ।
