निष्पक्ष र विश्वसनीय खबरको सँगालो 
Khabar Punja
५ चैत्र २०८२, शुक्रबार
दमौली, ६ चैत । जिल्ला प्रहरी कार्यालय तनहुँले व्यास नगरपालिका–५ चापाघाटबाट अवैध नदीजन्य पदार्थ सहित तीन सवारी साधनलाई आज नियन्त्रणमा लिएको छ ।
बालुवा, ढुङ्गा ओसारपसार गरेका तीन सवारी साधनलाई नियन्त्रणमा लिइएको प्रहरीले जनाएको छ । प्रहरी नायब उपरिक्षक श्रवणकुमार विकका अनुसार बालुवा लोड भएको ग १ क ६१६८ नम्बरको ट्रक, बालुवा लोड भएको ग १ त ७६८४ नम्बरको ट्याक्टर र ढुङ्गा लोड भएको ग १ त ३८६८ नम्बरको ट्याक्टर नियन्त्रणमा लिइ आवश्यक कारवाहीका लागि व्यास नगरपालिकामा पठाइएको छ।
