निष्पक्ष र विश्वसनीय खबरको सँगालो 
Khabar Punja
२१ चैत्र २०८२, आईतवार
पोखरा, २२ चैत । कास्कीको मिजुरेडाँडा केन्द्रविन्दु भएर आइतबार बिहान ८:३४ बजे ३.५ रेक्टर स्केलको भूकम्प गएको छ।
राष्ट्रिय भूकम्प मापन केन्द्रका अनुसार उक्त भूकम्प सानो परिमाणको भएकाले ठूलो क्षति नहुने अनुमान गरिएको छ। भूकम्पका कारण आसपासका क्षेत्रमा सामान्य धक्का महसुस गरिएको स्थानीयले बताएका छन्।
हालसम्म भूकम्पबाट कुनै मानवीय वा भौतिक क्षतिको विवरण प्राप्त नभएको सम्बन्धित निकायले जनाएको छ।
नेपाल भूकम्पीय दृष्टिले सक्रिय क्षेत्र भएकाले यस्ता साना कम्पनहरू समय–समयमा आउने गर्दछन्। विशेषज्ञहरूले सतर्कता अपनाउन र आवश्यक सुरक्षा तयारी राख्न सर्वसाधारणलाई आग्रह गरेका छन्।
