निष्पक्ष र विश्वसनीय खबरको सँगालो 
Khabar Punja
६ बैशाख २०८३, सोमबार
दमौली, ५ वैशाख । तनहुँको ऋषिङ गाउँपालिका–१ झापुटारमा जारी दोस्रो राष्ट्रिय कौराहा सम्मेलनले कौराहा घोषणापत्र जारी गरेको छ । मगर समुदायको मौलिक नृत्य कौरा संरक्षण र दस्तावेजीकरण गर्ने उद्धेश्यसहित शुक्रबारदेखि सुरु भएको सम्मेलनले शनिबार कौराहा घोषणापत्र जारी गरेको आयोजकले जनाएको छ ।
नेपाल मगर सांस्कृतिक सङ्घ केन्द्रीय समितिको आयोजना र नेपाल मगर सङ्घ तनहुँको सहआयोजनामा जारी सम्मेलनले कार्यदल विज्ञ समितिमार्फत् कौराहा घोषणापत्र जारी गरेको नेपाल मगर सांस्कृतिक सङ्घका केन्द्रीय अध्यक्ष नन्दु मगरले जानकारी दिए ।
कौराहा सम्मेलनका लागि यमबहादुर आलेको संयोजकत्वमा विज्ञ समिति गठन गरिएको थियो । सम्मेलनमा २७ समूहको सहभागिता रहेको थियो ।
