निष्पक्ष र विश्वसनीय खबरको सँगालो 
Khabar Punja
१८ असार २०८३, शुक्रबार
दमौली, २८ जेठ । तनहुँ जिल्लामा भूमि समस्या समाधान समिति गठन भएको छ । सरकारको निर्णय बमोजिम आज तनहुँका प्रमुख जिल्ला अधिकारी शिवलाल तिवारीको अध्यक्षतामा समिति गठन गरिएको हो ।
समितिको सदस्यहरुमा प्रमुख जिल्ला अधिकारीले तोकेको जिल्लाभित्रका स्थानीय तहका प्रमुख प्रशासकीय अधिकृतमध्येबाट व्यास नगरपालिकाका प्रमुख प्रशासकीय अधिकृत, जिल्ला समन्वय समितिका समन्वय अधिकारी, भूमि प्रशासन कार्यालयका प्रमुख भूमि प्रशासक, डिभिजन वन कार्यालय तनहुँका डिभिजनल वन अधिकृत, सहायक प्रमुख जिल्ला अधिकारी रहेका छन् भने सदस्य सचिव नापी कार्यालयका नापी अधिकृत रहेका छन् ।
यसैबीच समितिको आजै बसेको पहिलो बैठकले नापी कार्यालयलाई सचिवालय तोक्ने निर्णय गरेको छ । यस्तै समिति गठन सम्बन्धमा जिल्ला समन्वय समिति, व्यास नगरपािलका, भूमि प्रशासन कार्यालय, डिभिजन वन कार्यालय र नापी कार्यालयलाई जानकारी दिने निर्णय भएको छ ।
