निष्पक्ष र विश्वसनीय खबरको सँगालो 
Khabar Punja
५ श्रावण २०८३, बुधबार
दमाैली ५ साउन । तनहुँको भानु नगरपालिका–४ चुदीबेशीस्थित भानुभक्त टोलमा अविरल वर्षाका कारण एक दुईतले कच्ची घरको गारो भत्किएको छ। मङ्गलबार बिहान करिब ६ बजे श्यामकुमार श्रेष्ठको ढुंगा–माटोले बनेको टिनले छाएको घरको दाहिनेतर्फको गारो भत्किएको हो।
प्रहरीका अनुसार घटनाको जानकारी बिहान ९:२० बजे प्राप्त भएपछि इलाका प्रहरी कार्यालय भानुबाट टोली घटनास्थलमा पुगेको थियो।घर रेखदेख गर्दै आएका ५८ वर्षीय कृष्ण भुजेलसहित दुई जनालाई सुरक्षित रूपमा भानु–४ स्थित सेपा बगैंचामा रहेको छोराको घरमा सारिएको छ। घटनामा कुनै मानवीय वा चौपाया क्षति भएको छैन।
