निष्पक्ष र विश्वसनीय खबरको सँगालो 
Khabar Punja
२ आश्विन २०८३, शनिबार
तनहुँ । संविधान दिवसका अवसरमा तनहुँ–२ का प्रतिनिधि सभा सदस्य श्रीराम न्यौपानेले संविधानमा सुनिश्चित गरिएका अधिकार र परिवर्तन जनताको जीवनमा अनुभूत हुने गरी कार्यान्वयन गर्नुपर्ने बताएका छन्।
शुभकामना सन्देश जारी गर्दै न्यौपानेले संविधानलाई नेपाली जनताको सपना, संघर्ष र भविष्यको मार्गचित्रका रूपमा उल्लेख गर्दै अब जनता नारा नभई सुशासन, पारदर्शिता, गुणस्तरीय शिक्षा–स्वास्थ्य, रोजगारी र विकासको प्रत्यक्ष परिणाम चाहने बताएका छन्।
उनले युवा पुस्ताले उठाएका आवाजलाई राम्रो भविष्यको खोजीका रूपमा बुझ्नुपर्ने धारणा राख्दै नेपालको जलस्रोतलगायत ऊर्जा सम्भावनालाई उत्पादन, उद्योग, रोजगारी र आर्थिक विकाससँग जोड्नुपर्नेमा जोड दिएका छन्।
न्यौपानेले संविधान दिवसलाई आत्मसमीक्षाको दिनका रूपमा लिँदै पुरानो पुस्ताको अनुभव र नयाँ पुस्ताको ऊर्जा तथा ज्ञानलाई संयोजन गरेर समृद्ध नेपाल निर्माणमा सबै दल र नागरिकले सहकार्य गर्नुपर्ने बताएका छन्।
