निष्पक्ष र विश्वसनीय खबरको सँगालो 
Khabar Punja
९ आश्विन २०८३, शनिबार
तनहुँ, ९ असोज । तनहुँको व्यास नगरपालिका–१२ देउरालीस्थित पृथ्वीराजमार्गमा कन्टेनर दुर्घटना हुँदा चालक घाइते भएका छन्।
डुम्रेबाट दमौलीतर्फ आउँदै गरेको ना.६ ख ४५७८ नम्बरको कन्टेनर शुक्रबार साँझ करिब ५ः४० बजे चालकले नियन्त्रण गुमाउँदा सडकबाट करिब २० मिटर तल खसेको हो।
दुर्घटनामा मोरङ कठारी गाउँपालिका–१ महेशपुरका ३५ वर्षीय चालक कृष्णकुमार राजवंशी घाइते भएका छन्। उनको टाउको, छाती तथा दुवै खुट्टामा चोट लागेको र अवस्था मध्यम रहेको प्रहरीले जनाएको छ। घाइते राजवंशीलाई उपचारका लागि रत्नहरी अस्पताल, दमौली पठाइएको छ।
दुर्घटनापछि जिल्ला प्रहरी कार्यालय तनहुँ र जिल्ला ट्राफिक प्रहरी कार्यालय तनहुँबाट प्रहरी टोली घटनास्थलमा खटिएको छ। दुर्घटनामा परेको कन्टेनर घटनास्थलमै रहेको भए पनि सडकमा सवारी आवागमन भने अवरुद्ध भएको छैन।
