Khabar Punja

तनहुँ ११ असाेज । तनहुँको ऋषिङ गाउँपालिका–४ मधुवनमा कालीगण्डकी नदीमा आएको बाढीले गोठ बगाउँदा पाँच वटा पशुचौपाया क्षति भएका छन्।बिहीबार बिहान करिब ४ बजे आएको बाढीले स्थानीय शिव श्रेष्ठको काठको खम्बा र जस्तापाताले बनेको गोठ बगाउँदा गोठभित्र रहेका २ वटा वयस्क राँगा र ३ वटा सुँगुरका बच्चा गोठसहित बगाएको हो।

बाढीका कारण शिव श्रेष्ठको चारकोठे कच्ची घर र सोही स्थानका नारायण श्रेष्ठको तीनकोठे कच्ची घरसमेत जोखिममा परेका छन्।घटनाको जानकारी प्राप्त भएपछि प्रहरी चौकी भिरकोट तनहुँबाट प्रहरी टोली खटिएर स्थानीयलाई सुरक्षित स्थानमा स्थानान्तरण गरेको प्रहरीले जनाएको छ।