निष्पक्ष र विश्वसनीय खबरको सँगालो 
Khabar Punja
२३ कार्तिक २०८३, सोमबार
मोरङ, २३ कात्तिक । मोरङ जहदा गाउँपालिका २ मोहनपुरमा रड प्रहार गरी एक पुरुषको हत्यामा संलग्न रहेकी मृतककी श्रीमतीसहित दुई जनालाई पक्राउ गरिएको छ ।
आइतबार राती करिव ९ बजे बजे स्थानीय ४० वर्षीय बुधराम सोरेनलाई निजकी श्रीमती ३५ वर्षीया कमली बास्के र भारत बिहारका २७ वर्षीय सुनिल मिश्र मिलेर टाउकोमा रड प्रहार गर्दा घटनास्थलमै मृत्यु भएको हो ।
घटनाबारे जानकारी प्राप्त हुनासाथ घटनामा प्रयोग भएको रड सहित सुनिल मिश्रलाई नियन्त्रणमा लिएको थियो । घटनापछि फरार रहेकी कमली बास्केलाई आज बिहान करिव साढे सात बजे खेतमा भाग्दै गरेको अवस्थामा नियन्त्रणमा लिएको हो ।
पक्राउ परेका दुवै जनालाई थप अनुसन्धान तथा कानुनी कारबाहीका लागि इलाका प्रहरी कार्यालय रानीमा राखिएको छ । घटनाबारे थप अनुसन्धान भइरहेको छ ।
