निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ : तनहुँमा थप आठ कोरोना सङ्क्रमित निको भएका छन् । भानु नगरपालिकाका पाँच र बन्दीपुर गाउँपालिकाका तीन सङ्क्रमित निको भएको स्वास्थ्य कार्यालय तनहुँले जनाएको छ ।
स्वास्थ्य कार्यालयका प्रमुख शङ्करबाबु अधिकारीका अनुसार सोमबार आठ जना सङ्क्रमित निको भएसँगै जिल्लामा निको हुने कोरोना सङ्क्रमितको सङ्ख्या २ सय २२ पुगेको छ । हालसम्म भानु नगरपालिकाका ३३, व्यास नगरपालिकामा ३४, शुक्लागण्डकी नगरपालिकाका १६, भीमाद नगरपालिकाका १४, म्याग्दे गाउँपालिकाका १३, घिरिङ गाउँपालिकाका २८, ऋषिङ गाउँपालिकाका ४८, देवघाट गाउँपालिकाका ३, बन्दीपुर गाउँपालिकाका २६ र आँबुखैरेनी गाउँपालिकाका ७ सङ्क्रमित निको भएका छन् ।
जिल्लामा हालसम्म तीन सय ३ जनालाई सङ्क्रमण भएकामा अब ८१ सक्रिय सङ्क्रमित छन् । भानु नगरपालिकाका ३७, व्यास नगरपालिकाका १५, शुक्लागण्डकी नगरपालिकाका ८, म्याग्दे गाउँपालिकाका ९, देवघाट गाउँपालिकाका ९, बन्दीपुर गाउँपालिकाका एक र आँबुखैरेनी गाउँपालिकाका दुई सङ्क्रमित आइसोलेशन कक्षमा उपचाररत छन् ।
