निष्पक्ष र विश्वसनीय खबरको सँगालो 
Khabar Punja
१८ आश्विन २०८३, सोमबार
तनहुँ, १९ असोज । नेपाली कांग्रेसको १५औँ महाधिवेशन सुरु भइसक्दा पनि तनहुँ–१ बाट महाधिवेशन प्रतिनिधि चयनसम्बन्धी विवाद टुंगिन सकेको छैन।
तनहुँ–१ को खुलातर्फ महाधिवेशन प्रतिनिधिका उम्मेदवार देवकुमार श्रेष्ठ र केशव अधिकारीले समान ३२४/३२४ मत प्राप्त गरेपछि प्रतिनिधि चयनको विषय विवादित बनेको हो।
महाधिवेशन आइतबारदेखि काठमाडौंमा सुरु भइसके पनि बराबर मतको विषय समाधान नहुँदा श्रेष्ठ र अधिकारीमध्ये प्रतिनिधिका रूपमा कसरी सहभागी गराउने भन्ने अन्योल कायमै छ। कांग्रेसको आधिकारिक महाधिवेशन विवरणअनुसार १५औँ महाधिवेशन असोज १८ देखि २१ गतेसम्म काठमाडौंमा हुँदैछ।
विवाद समाधानका लागि दुवै पक्षबीच सहमति जुटाउने प्रयास भइरहेको नेपाली कांग्रेस तनहुँका जिल्ला सचिव लक्ष्मीभक्त खनालले जानकारी दिएका छन्।
यसैबीच, तनहुँ–२ बाट महाधिवेशन प्रतिनिधिमा पराजित भएका सन्तोष घिमिरेलाई केन्द्रबाट मनोनित गरिएको छ। तर, तनहुँ–१ मा समान मत पाएका श्रेष्ठ र अधिकारीको विवाद भने अझै टुंगिन सकेको छैन।
