निष्पक्ष र विश्वसनीय खबरको सँगालो 
Khabar Punja
२८ आश्विन २०८३, बिहीबार
पाेखरा २९ असाेज । कास्की, पोखरा महानगरपालिका–१७ बालोदय चोकस्थित सिद्धार्थ राजमार्ग (पोखरा–बुटवल सडकखण्ड) मा मोटरसाइकलको ठक्करबाट पैदलयात्रीसहित दुई जनाको मृत्यु भएको छ ।मिति २०८३।०६।२९ गते बिहान अन्दाजी ०७:०० बजे विरौटाबाट छोरेपाटनतर्फ जाँदै गरेको ग १४ प ४८७९ नम्बरको मोटरसाइकलले बाटो काट्दै गरेका पैदलयात्रीलाई ठक्कर दिई अनियन्त्रित भएर सडकको बीचमा रहेको डिभाइडरमा ठोक्किई दुर्घटना भएको हो ।
दुर्घटनामा मोटरसाइकल चालक पोखरा महानगरपालिका –१७ बस्ने १९ वर्षीय सफलकुमार श्रेष्ठ र लमजुङ घर भई हाल पोखरा महानगरपालिका–१७ विरौटामा बस्ने ४५ वर्षीय पैदलयात्री कृष्ण कुमाल घाइते भएका थिए । दुवै जनालाई उपचारका लागि पश्चिम क्षेत्रीय अस्पताल पठाइएकोमा चिकित्सकले मृत घोषणा गरेका छन् ।उक्त दुर्घटनाको सम्बन्धमा थप अनुसन्धान भइरहेको छ ।
