निष्पक्ष र विश्वसनीय खबरको सँगालो 
Khabar Punja
२२ कार्तिक २०८१, शुक्रबार
तनहुँ : तनहुँ क्षेत्र नं १ का प्रतिनिधि सभा सदस्य कृष्णकुमार श्रेष्ठ (किसान)ले खानेपानी योजनालाई रु ५० हजार सहयोग गर्नुभएको छ । सांसद श्रेष्ठले व्यास नगरपालिका–१० शेवरस्थित शितल गुफा खानेपानी योजनाका लागि उक्त रकम सहयोग गर्नुभएको हो ।
उक्त रकम आइतबार सांसद श्रेष्ठले खानेपानी उपभोक्ता समितिका उपाध्यक्ष नीर्घबहादुर नेपालीलाई हस्तान्तरण गर्नुभयो । श्रेष्ठले सांसदमा निर्वाचित भएदेखि नै तलब भत्ता बापतको रकम जिल्लाको विभिन्न सामाजिक सङ्घसंस्थालाई उपलब्ध गराउँदै आउनुभएको छ ।
खानेपानी योजनालाई सहयोग गरेकामा धन्यवाद ज्ञापन गर्दै नेपालीले उक्त रकमले योजना मर्मतका लागि सहयोग पुग्ने बताउनुभयो ।
