निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
तनहुँ : तनहुँको आँबुखैरेनी गाउँपालिकाले एक वडा ः एक पोखरी र एक वडा ः एक चौतारीको अभियान शुरु गरेको छ । पर्यावरण प्रबद्र्धन गर्ने उद्देश्य सहित गाउँपालिकाले प्रत्येक वडामा पोखरी र चौतारी निर्माण गर्न लागेको हो ।
चालु आर्थिक वर्षभित्रै ६ वटै वडामा पोखरी र चौतारी निर्माण गरिने गाउँपालिकाका प्रमुख प्रशासकीय अधिकृत विष्णुप्रसाद पोख्रेलले जानकारी दिनुभयो । “वातावरण प्रबद्र्धन गर्ने उद्देश्य सहित यो अभियान शुरु गर्न लागेका हौ, यसका लागि बजेट पनि विनियोजन भइसकेको छ,” पोख्रेलले भन्नुभयो ।
प्रधानमन्त्री रोजगार कार्यक्रम अन्तर्गतको रु २१ लाख बजेट पोखरी र चौतारी निर्माणमा खर्च गरिनेछ । सोमबार सम्पन्न आठौ गाउँसभाले यसको निर्णय गरिसकेको छ । “प्रधानमन्त्री रोजगार कार्यक्रम अन्तर्गत बेरोजगार सूचीमा सूचीकृत भएकालाई पोखरी र चौतारा निर्माणमा रोजगारी प्रदान गर्छौ,” पोख्रेलले भन्नुभयो ।
