निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
तनहुँ : व्यास नगरपालिकाका प्रमुख बैकुण्ठ न्यौपानेले चौथो अल्ट्रा म्याराथन सफल बनाउन सहयोग पुर्याउनेप्रति आभार व्यक्त गर्नुभएको छ । शुक्रबार प्रेस विज्ञप्ती सार्वजनिक गर्दै नगरप्रमुख न्यौपानेले म्याराथन सफल बनाउन सहयोग पुर्याउने जनप्रतिनिधि, विभिन्न उपसमिति, विभिन्न कार्यालयका प्रमुख, सुरक्षाकर्मी, नगरपालिकाका कर्मचारी, मानुङ र पुलिमराङका टोल विकास संस्था, आमा समूह लगायत सबैप्रति आभार व्यक्त गर्नुभएको हो ।
शहीद स्मारकमा माल्यार्पण
शहीद दिवसको अवसरमा व्यास नगरपालिका-८ पुलिमराङस्थित स्मारकमा रहेको शहीदको शालिकमा माल्यार्पण गरिएको छ । व्यास नगरपालिकाले पुलिमराङमा शुक्रबार आयोजना गरेको अल्ट्रा म्याराथनको अवसरमा शहीदको शालिकमा माल्यार्पण गरिएको हो ।
नेपाली काङ्ग्रेसका केन्द्रीय सदस्य एवं पूर्वमन्त्री डा. रामशरण महतले शहीदको शालिकमा माल्यार्पण गर्नुभएको छ ।
शहीद पार्कमा धर्मध्वज गुरुङ, लालध्वज गुरुङ, सम्शेरबहादुर गुरुङ, भरत गुरुङ, सर्वसिंह गुरुङ, हस्तवीर गुरुङको शालिक निर्माण गरिएको छ।
