निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ : तनहुँको व्यास नगरपालिका-६ स्थित गलेखामकोटमा सार्वजनिक शौचालय निर्माणका लागि लायन्स क्लवले सहयोग गरेको छ । पछिल्लो समय पर्यटकीय गन्तव्यको रुपमा विकास भइरहेको गलेखामकोटमा सार्वजनिक शौचालय बनाउन लायन्स क्लवले रु ५० हजार सहयोग गरेको हो ।
उक्त रकमको चेक आइतबार लायन्स क्लव ३२५ वि १ का पूर्व गभर्नर अशोककुमार श्रेष्ठले गलेखामकोटका अध्यक्ष बालकुमारी श्रेष्ठलाई हस्तान्तरण गर्नुभयो ।
सार्वजनिक शौचालय नहुँदा यहॉ पुग्ने पर्यटकलाई समस्या हुँदै आएको थियो । कोभिड पश्चात् गलेखामकोटमा आन्तरिक पर्यटक पुग्न थालेका छन् ।
दमौलीबाट कन्टार बाह्रबिसे, सागे, क्रियापानी हुँदै गलेखामकोट पुग्न सकिन्छ । गलेखामकोटबाच तनहुँको दमौली, थप्रेक, कलेस्ती, सिसाघाट, लमजुङको भोर्लेटार, सोतीपसल, दुइपिप्ले, कास्कीको फेवाताल, बेगनास ताल तथा विभिन्न ठाउँको रमणीय दृश्यहरु देख्न पाइन्छ ।
