निष्पक्ष र विश्वसनीय खबरको सँगालो 
Khabar Punja
२९ बैशाख २०८३, बुधबार
काठमाडौ : गोङ्गबु हत्या काण्डकी कल्पना मुडभरी पौडेललाई अदालतले आजीवन कारावासको सजाय सुनाएको छ ।
जिल्ला अदालत काठमाडौका न्यायाधीश राजेन्द्र अधिकारीको इजलासले फागुन १३ गते गोङ्गबु हत्या काण्डकी मुख्य अभियुक्त कल्पनालाई अपराधी ठहर गर्दै आजीवन कारावासमा राख्ने फैसला सुनाएको हो ।
कल्पनाले गत साउन २५ गते आफ्नै कोठामा दाङका ४५ वर्षीय कृष्ण बहादुर बोहराको शरीर र टाउको काटेर सुटकेशमा हाली सडकमा फालेकी थिइन् ।
सो घटनामा संलग्न रहेकी कल्पनालाई आजिवन काराबासको फैसला सुनाएको र उनकी छोरीलाई भने सफाइ दिने फैसला गरेको छ । कृष्ण बोहरा र कल्पनाबीच प्रेमसम्बन्ध रहेको तर सम्बन्धमा उतारचढाव आएपछि बोहराको हत्या गरेको कल्पनाले अदालतसमक्ष स्वीकार गरेकी थिइन् ।
