निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
तनहुँ : तनहुँको व्यास नगरपालिका–२ निवासी वेणीमाधव भण्डारी र राधादेवी भण्डारीले ५० औं वैवाहिक वर्षगाँठ ज्येष्ठ नागरिक आश्रममा मनाउनुभएको छ । विवाह गरेको ५० वर्ष पुगेको उपलक्ष्यमा उहाँहरुले व्यास नगरपालिका–५ स्थित वेदव्यास ज्येष्ठ नागरिक आश्रममा वैवाहिक वर्षगाँठ मनाउनुभएको हो ।
सोक्रममा उहाँहरुले आश्रमका ज्येष्ठ नागरिकलाई बिहीबारको भोजन गराउनुका साथै आश्रमको निर्माणाधीन भवनका लागि आर्थिक सहयोग गर्नुभएको छ । आश्रमको निर्माण हुँदै गरेको भवनको दुई वटा मूल ढोकाका लागि उहाँहरुले रु १८ हजार ११ आश्रमकी अध्यक्ष सावित्री श्रेष्ठलाई हस्तान्तरण गर्नुभएको छ ।
भण्डारीले आश्रम स्थापनाकालदेखि नै सहयोग गर्र्दै आएको र वैवाहिक वर्षगाँठ आश्रममै आएर मनाएकामा आफूहरुलाई प्रेरणा मिलेको आश्रमकी सचिव निर्मला मल्लले जानकारी दिनुभयो ।
उक्त कार्यक्रममा तनहुँ उद्याेग वाणिज्य सङ्घका महासचिव इमकुमार मल्ल, जिल्ला प्रतिनिधि दिनेशकुमार श्रेष्ठ, भण्डारीका छाेरा एवं राेटरी क्लव दमाैलीका अध्यक्ष दामाेदर भण्डारी, बुहारी सविता भण्डारी लगायत सहभागी हुनुहुन्थ्याे ।
