निष्पक्ष र विश्वसनीय खबरको सँगालो 
Khabar Punja
७ आश्विन २०८१, मंगलवार
तनहुँ : तनहुँको शुक्लागण्डकी नगरपालिका-५ बेलचौतारास्थित जिपी कोइराला श्वासप्रश्वास उपचार केन्द्रलाई तनहुँ उद्योग वाणिज्य सङ्घले स्वास्थ्य सामग्री हस्तान्तरण गरेको छ ।
कोभिड सङ्क्रमण रोकथाम र न्यूनीकरणमा अग्रपङ्क्तिमा खटिएका स्वास्थ्यकर्मीलाई सङ्घले स्वास्थ्य सामग्री हस्तान्तरण गरेको हो ।
सङ्घले स्थापना गरेको कोभिड सङ्कट महाअभियान मार्फत् केन्द्रका कार्यकारी निर्देशक डा. रामकुमार श्रेष्ठलाई सङ्घका अध्यक्ष पविन्द्रकुमार श्रेष्ठले स्वास्थ्य सामग्री हस्तान्तरण गर्नुभयो ।
अस्पताललाई पिपिई, अक्सिमिटर, फेसशिल्ड, हेडक्याप, ग्लब्स, थर्मोमिटर, स्यानीटाइजर स्प्रे, डस्टविन, बास्केट गमबुट प्रदान गरिएको छ ।
कोभिड नियन्त्रणका लागि स्वास्थ्य सामग्री सहयोग गर्न सङ्घले कोष खडा गरेकामा उक्त कोषमा देश तथा विदेशबाट स्वतःस्फूर्त रुपमा सहयोग आउन थालेको सङ्घका अध्यक्ष श्रेष्ठले बताउनुभयो । आगामी दिनमा पनि सहयोगलाई निरन्तरता दिइने श्रेष्ठले उल्लेख गर्नुभयो । उपचार केन्द्रका कार्यकारी निर्देशक डा. श्रेष्ठले स्वास्थ्य सामग्री सहयोग गरेकोप्रति धन्यवाद ज्ञापन गर्नुभयो ।
आइतबार सङ्घले दमौली अस्पताल र कालीभञ्जन गण (इ) लाई स्वास्थ्य सामग्री सहयोग गरेको थियो ।
