निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
तनहुँ : नेपाल पत्रकार महासङ्घ तनहुँको आयोजनामा भिडियो मार्फत् दुई दिने पत्रकारिता तालिम शुक्रबारबाट शुरु भएको छ । पहिलो दिनमा “सङ्घीयतामा स्थानीय तह र रिपोर्टिङका हाम्रा मुद्धा विषयक” तालिम सञ्चालन गरिएको थियो ।
उक्त विषयमा नेपाल पत्रकार महासङ्घका पूर्व अध्यक्ष धमेन्द्र झाले प्रशिक्षण दिनुभएको थियो । कोरोना कहरका कारण भिडियो मार्फत् जिल्लाका क्रियाशिल पत्रकारहरुलाई दुई दिने तालिम आयोजना गरिएको शाखाका अध्यक्ष उज्वल पौडेलले बताउनुभयो ।
नेपाल पत्रकार महासङ्घका केन्द्रीय सदस्य प्रदीप काफ्लेले तालिमबाट पत्रकारको लेखनशैली अभिवृद्धि हुने बताउनुभयो । पत्रकार महासङ्घ तनहुँका उपाध्यक्ष धनपति अधिकारी र अस्मिता खनालले तालिमले पत्रकारितालाई थप पृष्ठपोषण गर्नेमा विश्वास व्यक्त गर्नुभयो ।
शनिबार खोजपत्रकारिता सम्बन्धमा महासङ्घका पूर्व अध्यक्ष शिव गाउँलेले प्रशिक्षण दिने शाखाका सचिव प्रताप रानाले जानकारी दिनुभयो ।
