निष्पक्ष र विश्वसनीय खबरको सँगालो 
Khabar Punja
१६ माघ २०८१, बिहीबार
म्याग्दे : पृथ्वी राजमार्ग अन्तर्गत तनहुँको म्याग्दे गाउँपालिका–४ मनहरिमा बुधबार भएको दुर्घटनामा परी एक युवक गम्भीर घाइते भएका छन् । दमौलीबाट पोखरातर्फ जाँदै गरेको ग ४ प २२१३ नम्बरको मोटरसाइकल र विपरित दिशाबाट आउँदै गरेको ना ६ ख ५७२५ नम्बरको ट्रक ठोक्किदा मोटरसाइकल चालक गम्भीर घाइते भएका हुन् ।
घाइते हुनेमा व्यास नगरपालिका–११ बस्ने २७ वर्षीय प्रकाश विक रहेको प्रहरीले जनाएको छ । घाइतेलाई शुक्लागण्डकीस्थित जिपी कोइराला उपचारमा प्राथमिक उपचार पश्चात् पोखरा गण्डकी अस्पताल पठाइएको प्रहरी चौकी थर्पुका प्रहरी नायब निरीक्षक कृष्णबहादुर बानियाँले जानकारी दिए ।
सडकमा रहेको खाल्डाखुल्डी छल्ने क्रममा मोटरसाइकल र ट्रक ठोक्किएको प्रत्यक्षदर्शीले बताएका छन् ।
तस्वीर : नुक्त भुजेल
