निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
दमौली । नेकपा एमाले तनहुँले पुस २३ गते जिल्ला अधिवेशन गर्ने भएको छ । चितवनमा सम्पन्न दशौ महाधिवेशनपछि काठमाडौमा बसेको बैठकले सबै जिल्लाको अधिवेशन मिति तोकेको थियो ।
एमाले तनहुँको शनिबार सम्पन्न बैठकले अधिवेशनको तयारी थाल्ने निर्णय गरेको छ।
बैठकलाई स्थायी कमिटी सदस्य किरण गुरुङ, पोलिटव्युरो सदस्य टुकराज सिग्देल, केन्द्रीय सदस्य भगवती न्यौपाने लगायतले सम्बोधन गरेका थिए ।
कावा सचिवमा सिग्देल
बैठकले एमाले तनहुँको कार्यवाहक सचिवको जिम्मा उपसचिव विष्णुभक्त सिग्देललाई दिने निर्णय गरेको छ। सचिव भगवती न्यौपाने केन्द्रीय सदस्यमा निर्वाचित भएपछि सिग्देललाई कावा सचिवको जिम्मेवारी दिइएको हो ।
