निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
दमाैली । रोटरी क्लव अफ दमौलीले व्यास नगरपालिका–५ पाटनस्थित पराशर माध्यमिक विद्यालयलाई वाटर डिस्पेन्सर हस्तान्तरण गरेको छ । क्लवले डिष्ट्रिक्ट ग्रान्ड प्रोजेक्ट अन्तर्गत विद्यालयलाई सोमबार वाटर डिस्पेन्सर हस्तान्तरण गरेको हो ।
क्लवका अध्यक्ष दिनेशकुमार श्रेष्ठ र निवर्तमान अध्यक्ष दामोदर भण्डारीले विद्यालय व्यवस्थापन समितिका अध्यक्ष उषा क्षेत्री र प्रधानाध्यापक रामदत्त पौडेललाई उक्त सामग्री हस्तान्तरण गरे । विद्यार्थीलाई सफा र स्वच्छ पिउने पानीको व्यवस्था गर्न वाटर डिस्पेन्सर सहयोग गरिएको क्लवका अध्यक्ष श्रेष्ठले बताए । सामाजिक क्षेत्रमा क्रियाशील क्लवले विभिन्न क्षेत्रमा सामुदायिक विकासका कार्यक्रम गर्दै आएको उनले बताए ।
क्लवका निवर्तमान अध्यक्ष भण्डारीले क्लवले शिक्षा क्षेत्रको विकासका लागि कम्प्युटर ल्याव तथा अन्य शैक्षिक सामग्री सहयोग गर्दै आएको बताए । विद्यालयका अध्यक्ष क्षेत्री र प्रधानाध्यापक पौडेलले क्लवको सहयोगप्रति आभार व्यक्त गरे ।
कार्यक्रममा क्लवका सचिव विणा कैनी, पूर्व अध्यक्ष महेन्द्रकुमार श्रेष्ठ, सूर्यकुमार मल्ल लगायतको उपस्थिति थियो ।
