Khabar Punja

दमाैली । व्यास–१ स्थित आदिकवि भानुभक्त क्याम्पसमा अन्तरसंकाय स्तरीय फुटसल प्रतियोगिता आयोजना हुने भएको छ । आदिकवि भानुभक्त क्याम्पस फुटसल आयोजक समिति शिक्षाशास्त्र संकाय स्नातक प्रथम वर्ष अंग्रेजी समूहको आयोजनामा क्याम्पसका विद्यार्थीहरुबीच प्रतियोगिता हुन लागेको हो ।

प्रतियोगिता यही पुस १६ गते व्यास–१ स्थित दमौली फुटसलमा हुने रोशन भुजेलले जानकारी दिए । फुटसल खेलमा रुची राख्ने विद्यार्थीको प्रतिभा प्रस्फुटन गर्दै एक आपसमा भातृत्व र सहकार्यका लागि प्रतियोगिता आयोजना गरिएको आयोजक कमिटीका संयोजक भुजेलले बताए ।

प्रतियोगितामा छात्र–छात्राबीच छुट्टाछुट्टै खेल हुने जनाइएको छ । प्रतियोगितामा कक्षा ११–१२ देखि स्नातक तहका विभिन्न संकायका विद्यार्थीले सहभागिता जनाउन पाउने छन् । उनका अनुसार प्रतियोगितामा सहभागिता जनाउनका लागि १४ गते साँझ ५ बजेसम्म टिम दर्ता गराइसक्नुपर्ने आयोजकले जानकारी दिएको छ । टिम दर्ताको लागि प्रत्येक टिमलाई रु ८ सय शुल्क लाग्ने फुटसल आयोजक समितिले जनाएको छ ।