Khabar Punja

दमौली । तनहुँका गुरुङ समुदायले ल्होसार अर्थात् नयॉ वर्ष मनाएका छन् । गुरुङहरूले यो वर्ष ल्वोँ ल्हो अर्थात् गाई वर्गलाई बिदाइ गरी तो ल्हो अर्थात् बाघ वर्गलाई स्वागत गर्दै ल्होसार मनाएका हुन् ।

ल्होसारको अवसरमा दमौली, ऑबुखैरेनी, शु्क्लागण्डकी लगायतका ठाउँमा कार्यक्रम गरिएको छ।

बर्गचक्र फेरिएसँगै गुरुङ समुदायमा नयाँ वर्षको रूपमा धूमधामसँग तमु ल्होसार पर्व मनाउने गरिन्छ । गुरुङहरूको जन्मदेखि मृत्युसम्मका सबै कर्मकाण्ड ल्हो अर्थात् वर्गको महत्त्व भएकोले ल्होसारलाई ठूलो पर्वको रूपमा मनाउने गरिएको गुरुङ समुदायका अगुवा बताउँछन् ।

ल्होसारकै दिनभन्दा अघिल्लो साँझदेखि नै यसलाई मनाउन सुरु गरिन्छ । साँझ पूजापाठ, भोजभतेर, नाचगान गरी आधा रातमा ’नयाँ वर्ष आयो’ भन्दै नयाँ वर्षको स्वागत गरिन्छ ।