निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमाैली । तनहुँमै पहिलो पटक व्यास बचत तथा ऋण सहकारी संस्थाले कोप कार्ड सञ्चालनमा ल्याएको छ । व्यास–३ स्थित सहकारीले जिल्लामै पहिलो कोप कार्ड सञ्चालनमा ल्याएको हो ।
ग्लोबल आइएमई बैङ्क र राष्ट्रिय सहकारी बैङ्कबीच भएको सम्झौता बमोजिम सहकारीले कोप कार्ड सञ्चालनमा ल्याएको सहकारीका उपाध्यक्ष प्रेमप्रसाद पौडेलले जानकारी दिए। सबै शेयर सदस्यलाई कोप कार्ड वितरण गरिने उनले बताए ।
कोप कार्ड वितरणपछि सहकारीमा आबद्ध सदस्यहरुले जुनसुकै बेलापनि एटीएमबाट रकम निकाल्न सक्नेछन् । ग्लोबल आइएमई बैङ्कको देशभरका एटिएमबाट रकम निकाल्दा कुनै शुल्क नलाग्ने बताइएको छ ।
कार्ड अन्तर्राष्ट्रिय स्तरको चिप कार्ड र कन्टाक्टलेश प्रविधिमा आधारित हुने र नेपाल तथा भारतका एटीएम÷पीओएस जुनसुकै स्थानबाट सहजै चलाउन सकिने छ ।
