निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
काठमाडौं । नेपाली कांग्रेसले पार्टीका तर्फबाट निर्वाचित जनप्रतिनिधिका लागि साेमबारदेखि अभिमुखीकरण कार्यक्रम सुरु गरेको छ ।
पाटीको नीति, अनुसन्धान तथा प्रशिक्षण प्रतिष्ठानले आयोजना गरेको दुई दिने अभिमुखीकरण कार्यक्रमको प्रधानमन्त्री एवम् कांग्रेस सभापति शेरबहादुर देउवाले उदघाटन गरे । कार्यक्रमलाई सम्बोधन गर्दै उनले धेरै सिट पाउनुभन्दा धेरै सिटमा जित्नु ठूलो कुरा भएको बताए ।
ललितपुरको सानेपास्थित हेरिटेज गार्डेनमा आयोजित कार्यक्रममा मेयर-उपमेयर तथा अध्यक्ष-उपाध्यक्षहरुको सहभागिता छ । उनीहरुलाई पार्टीका शीर्ष नेताहरुले प्रशिक्षण दिने छन् ।
अभिमुखीकरणका कारण कांग्रेसले निर्वाचन केन्द्रित देशव्यापी अभियानलाई छोट्याएको छ । ३० र ३१ गते अभिमुखीकरण हुने हुँदा तयारी नपुग्ने भन्दै कांग्रेसले भदौ २ गतेदेखि सुरू गर्ने भनिएको अभियान एक साता पछि सारेको छ । चुनावी अभियान अब भदौ १० गतेदेखि सुरु गर्ने नेपाली कांग्रेसले जनाएको छ ।
