निष्पक्ष र विश्वसनीय खबरको सँगालो 
Khabar Punja
१७ कार्तिक २०८१, आईतवार
दमौली । व्यास नगरपालिका-४ वीरता टोल विकास संस्थाले देउसीभैलो खेलेर संकलन गरेको रकम भूकम्प पीडितलाई सहयोग गरेको छ । तिहारमा देउसी खेलेर संकलित रु दश हजार ५५ संस्थाले जाजरकोट भूकम्प पीडितका लागि सहयोग गरेको हो ।
भूकम्पबाट प्रभावित जनसमुदायको पीडामा मलमपट्टी लगाउने उद्देश्यले संस्थाले थोरै भएपनि सहयोग गरेको अध्यक्ष सरोज बस्नेतले जानकारी दिए । दैवी प्रकोप उद्धार कोषमा जम्मा गरिएको उक्त रकमको भौचर सोमबार प्रमुख जिल्ला अधिकारी छविलाल रिजाललाई हस्तान्तरण गरिएको छ ।
टोल विकास संस्थाले देउसीभैलो खेलेर संकलन गरेको रकम सामाजिक काममा सहयोग गर्नु सकारात्मक रहेको संस्थाका सल्लाहकार श्रीराम कार्कीले बताए ।
