निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमौली । नेकपा एमाले व्यास नगर कमिटीको अध्यक्षमा तुल्सीराम पाण्डे विजयी भएका छन् । शनिबार राति सम्पन्न मतगणना अनुसार १०८ मत प्राप्त गरी पाण्डे अध्यक्षमा निर्वाचित भएका हुन् । प्रतिस्पर्धी ललित पाण्डेले ५५ मत प्राप्त गरेका छन् ।
अध्यक्षमा निर्वाचित पाण्डे नगर कमिटीको कार्यवाहक अध्यक्ष थिए । ललित पाण्डे भने केही समय अघि जिल्ला कमिटीमा पराजित भएका थिए ।
एक सय ९९ मतदातामध्ये निर्वाचनमा १६७ मत खसेको थियो । पदाधिकारी बाहेकका पद भने सर्वसम्मत भएको छ ।
उपाध्यक्षमा चिजबहादुर गुरुङ ८७ मत प्राप्त गरी विजयी भएका छन् । प्रतिस्पर्धी विष्णुबहादुर पोख्रेलले ६६ मत प्राप्त गरे । सचिवमा रामचन्द्र अधिकारी ११४ मत प्राप्त गरी विजयी भएका छन् । प्रतिस्पर्धी जुननारायण श्रेष्ठले ३६ मत प्राप्त गरे ।
उपसचिवमा सुदीप पौडेल ८० मत प्राप्त गरी विजयी भए । प्रतिस्पर्धी टोपबहादुर परियारले ७९ प्राप्त गरे । उपसचिव महिलामा जौमाया रायमाझी ८४ मत प्राप्त गरी विजयी भइन् । प्रतिस्पर्धी मन्जु अधिकारीले ७४ मत ल्याइन् ।
