निष्पक्ष र विश्वसनीय खबरको सँगालो 
Khabar Punja
१० पुष २०८१, बिहीबार
दमौली । व्यास नगरपालिका-४ बागबजार निवासी युवा अभियान्ता सुदीप गफ्फारले बुधबार बिहान बुल्दी खोला सरसफाई गरेका छन् । बुल्दी-चुँदी खोला सरसफाई अभियानका नेतृत्वकर्ता गफ्फारले बिहानै व्यास नगरपालिका-१ स्थित बुल्दीखोलामा सरसफाई गरेका हुन् ।
त्यसक्रममा नौ झोला फोहर व्यवस्थापन गरिएको छ । बुल्दीखोलामा सुई, प्याड, प्याम्पर लगायत अत्याधिक भेटिएको उनको भनाई छ । उनले भने, ‘यस्ता सामग्रीले खोला दुर्गन्धित बनाउँछ । सबैमा मेरो अनुरोध छ, कृपया बुल्दीखोला स्वच्छ राखौ ।’
गफ्फारकै नेतृत्वमा केही समय पहिला बुल्दी खोलामा सरसफाई गरी धेरै फोहर टिप्नेलाई पुरस्कार प्रदान गरिएको थियो ।
