निष्पक्ष र विश्वसनीय खबरको सँगालो 
Khabar Punja
१६ पुष २०८२, बिहीबार
दमाैली, १० कात्तिक । नेपाल प्रिमियर लिग (एनपिएल) को ट्रफी तनहुँको दमौलीमा आज सार्वजनिक गरिएको छ । पोखरा एभेन्जर्सले गण्डकी प्रदेशका विभिन्न जिल्लामा ट्रफी टुर कार्यक्रम गर्ने कार्यतालिका अन्तर्गत दमौली बजारमा ट्रफी सार्वजनिक गरिएको हो ।
तनहुँ जिल्ला क्रिकेट सङ्घको व्यवस्थापनमा दमौली बजारमा बाजागाजा सहित ट्रफी सार्वजनिक गरिएको छ । ¥यालीमा पोखरा एभेन्जर्सका खेलाडी सागर ढकाल, बिपीन खत्री, अर्जुन कुमाल लगायतको सहभागिता रहेको थियो ।
ट्रफी सार्वजनिक कार्यक्रममा तनहुँ जिल्ला क्रिकेट सङ्घका अध्यक्ष मदन तिमिल्सिनाले ट्रफी टुर अन्तर्गत दमौलीमा कार्यक्रम हुन गौरवको विषय भएको उल्लेख गरे । यसपटकको एनपिएल पोखरा एभेन्जर्सले जित्नेमा गण्डकी प्रदेशवासी ढुक्क भएको बताउँदै जितपछि पनि ट्रफी टुर गर्ने अवसर मिल्ने बताए ।
पोखरा एभेन्जर्सका अध्यक्ष सुबोध त्रिपाठीले गण्डकी प्रदेशका विभिन्न जिल्लामा ट्रफी टुर गरिने बताए । उनका अनुसार आजै नवलपुरको गैडाकोट, गोरखाको मनकामना, तनहुँको डुम्रे हुँदै ट्रफी दमौली ल्याइएको हो । उक्त ट्रफी कुस्मा, बागलुङ समेत लैजाने कार्यतालिका छ । पोखरामा आएर ट्रफी टुर कार्यक्रम समापन गरिने उनले बताए ।
