निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : तनहुँमा शुक्रबार पाँच जना कोरोना सङ्क्रमित निको भएका छन् । कोरोना सङ्क्रमण भएर दमौली अस्पतालको आइसोलेशनमा रहेका दुई बालबालिका सहित पाँच जना निको भएर घर फर्किएका हुन् ।
निको हुनेमा व्यास नगरपालिका–१ का १३ वर्षीया बालिका, सोही ठाउँका ९ वर्षीय बालक, सोही ठाउँकै ३६ वर्षीया महिला, ३१ वर्षीया महिला र व्यास नगरपालिका–५ का २६ वर्षीय पुरुष रहेको स्वास्थ्य कार्यालय तनहुँले जनाएको छ ।
व्यास नगरपालिका–१ का १३ वर्षीया बालिका, ९ वर्षीय बालक, ३६ वर्षीया महिलालाई साउन ३२ गते कोरोना सङ्क्रमण पुष्टि भएको थियो भने ३१ वर्षीया महिलालाई भदौ २ गते र व्यास नगरपालिका–५ का २६ वर्षीय पुरुषलाई भदौ ८ गते कोरोना सङ्क्रमण पुष्टि भएको थियो ।
योसँगै जिल्लामा कोरोनाबाट निको हुनेको सङ्ख्या २ सय ५ पुगेको छ ।
