निष्पक्ष र विश्वसनीय खबरको सँगालो 
Khabar Punja
१३ पुष २०८२, सोमबार
दमौली, १२ मंसिर । जिल्ला प्रशासन कार्यालय तनहुँले बिहान ८ बजेदेखि राष्ट्रिय परिचयपत्रको सेवा दिँदै आएकामा सेवाग्राहीको चाप घटेपछि अब नियमित समयमै सेवा प्रवाह गर्ने भएको छ ।
कार्यालयले बिहान ८ बजेदेखि साँझ ६ बजेसम्म सेवा दिँदै आएकामा नियमित कार्यालय समयमा सेवाप्रवाह गर्दा सहज रुपमा सेवा प्रवाह हुने अवस्था रहेकाले आइतबारेखि बिहान १० बजेदेखि ४ बजेसम्म नै राष्ट्रिय परिचयपत्र सम्बन्धी सेवा सञ्चालन हुने जिल्ला प्रशासन कार्यालय तनहुँका प्रशासकीय अधिकृत विकास श्रेष्ठले बताए ।
जेनजीअ आन्दोलनपश्चात् राष्ट्रिय परिचयपत्र सेवा लामो समय अवरुद्ध रहेको थियो । राष्ट्रिय परिचयपत्र तथा पञ्जिकरण विभागबाट केही समय पश्चात् दुइ थान स्टेशन मात्र प्राप्त भएकामा हाल तीन थान स्टेशनबाटै सेवा प्रवाह भइरहेको छ । श्रेष्ठले भने, “सेवाग्राहीको चाप बढेपछि अतिरिक्त समय थप गरी सेवा दिँदै आएका थियौ, अब नियमित समयमै सेवा प्रवाह हुनेछ ।”
