निष्पक्ष र विश्वसनीय खबरको सँगालो 
Khabar Punja
१४ चैत्र २०८२, आईतवार
काठमाडौ, १५ चैत । पूर्वप्रधानमन्त्री तथा नेकपा एमाले अध्यक्ष केपी शर्मा ओलीको ‘थुना म्याद थप’ प्रकरणमा बहसमा पूर्वमहान्यायाधिवक्ता रमेश बडालले उनलाई थुनाबाहिरै राखेर भदौ २३ र २४ को घटनामा अनुसन्धान गर्न माग गरेका छन् ।
‘प्रतिवेदनमा मनशायपूर्वक मार्न खोजेको, मार्ने नियत नभएको भनेर आएको छ,’ जिल्ला न्यायाधीश आनन्द श्रेष्ठको इजलासमा बहस गर्दै बडालले भने, ‘तत्कालै मान्छे भागेर जाने अवस्थाको विद्यमानता पनि छैन । प्रमाण नष्ट गर्न सक्ने अवस्था पनि छैन । यसकारण म्याद थप्न पर्दैन ।’
उनले इजलासमा जेनजी आन्दोलनका बेला भदौ २३ गते ओलीले गोली चलाउने आदेश नदिएको र घटनाको विवरण जानकारीकै आधारमा मात्रै मुद्दा चलाउन नमिल्ने जिकिर गरे । जेनजी आन्दोलनको छानबिन आयोग प्रतिवेदनकै आधारमा मुद्दा चलाउने आधार नभएको इजलासमा उनको जिकिर थियो ।
