निष्पक्ष र विश्वसनीय खबरको सँगालो 
Khabar Punja
१९ चैत्र २०८२, शुक्रबार
दमौली, १९ चैत । तनहुँको देवघाटस्थित चार गुरुकुलका ४५ विद्यार्थी आजदेखि सुरु भएको माध्यमिक शिक्षा परीक्षा (एसइइ) मा सहभागी भएका छन् । देवघाटमा रहेका गुरुकुलका ४५ विद्यार्थी नियमिततर्फ परीक्षामा सहभागी भएका हुन् ।
शिक्षा विकास समन्वय इकाइ तनहुँका प्रमुख कृष्णप्रसाद श्रेष्ठका अनुसार महेश संस्कृत गुरुकुलका ११, परमानन्द संस्कृत गुरुकुलका १७, वेदवेदाङ्गा माविका १२ र माँ कल्याणी वैदिक कन्या गुरुकुलका पाँच विद्यार्थी परीक्षामा सहभागी भएका छन् ।
सबै गुरुकुलको केन्द्र देवघाट गाउँपालिका–५ स्थित महेश संस्कृत गुरुकुलमा तोकिएको छ ।
