निष्पक्ष र विश्वसनीय खबरको सँगालो 
Khabar Punja
२६ कार्तिक २०८१, मंगलवार
तनहुँ : बहुविवाह मुद्दामा फरार रहेका एक प्रतिवादी पक्राउ परेका छन् । पक्राउ पर्नेमा व्यास नगरपालिका–१२ सुपारेडाँडा बस्ने ३४ वर्षीया विष्णुमाया नेपाली रहेका छन् ।
निजविरुद्ध जिल्ला अदालत तनहुँले विसं २०७५ पुस १९ गते एक वर्ष कैद र ६ महिनाको कैद फैसला सुनाएको थियो । पक्राउ परेकालाई बिहीबार अदालत पेश गरिएकामा अदालतको आदेश बमोजिम कैद भुक्तानका लागि जिल्ला कारागार कास्की पठाइएको प्रहरी नायब उपरिक्षक युवराज तिमिल्सनाले जानकारी दिनुभयाे ।
विभिन्न अपराध एवं मुद्दाहरुमा संलग्न रही फरार रहेका तथा अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो तिर्न बाँकी रहेकालाई प्रहरीले धमाधम पक्राउ गरिरहेको छ ।
