निष्पक्ष र विश्वसनीय खबरको सँगालो 
Khabar Punja
२२ चैत्र २०८१, आईतवार
तनहुँ/नेपाली काङ्ग्रेसका केन्द्रीय सदस्य एवं पूर्वमन्त्री शङ्कर भण्डारीले तनहुँका विभिन्न ठाउँमा पहिराले पुरिएर मृत्यु भएका व्यक्तिका परिवारलाई राहत रकम हस्तान्तरण गर्नुभएको छ । गैरआवासीय नेपाली सङ्घ अमेरिकाज् क्षेत्रका संयोजक राजन त्रिपाठी र अमेरिकाका उपाध्यक्ष कृष्णजीवि पन्थले पठाउनुभएको रु ५० हजार रकम पूर्वमन्त्री भण्डारीले सोमबार मृतकका परिवारलाई हस्तान्तरण गर्नुभएको हो ।
व्यास नगरपालिका–९ माझफाँटमा पहिराले पुरिएर निधन भएका कमला थापा, मनोज थापा, अन्जना थापा, सोही ठाउँकै ७० वर्षीया मैतकुमारी घर्ती, व्यास नगरपालिका–११ ओडारेका पदम चेपाङ र म्याग्दे गाउँपालिका–६ बेलौतीडाँडाका १७ वर्षीय लक्ष्मी विकको परिवारलाई प्रति मृतक रु दश हजारका दरले राहत रकम वितरण गरिएको छ ।
यसैगरी पूर्वमन्त्री भण्डारीले आइतबार ऋषिङ गाउँपालिका–८ भैसिकिलेमा पहिराले पुरिएर निधन भएका एकै परिवारका पाँच जनाका परिवारलाई रु ५० हजार रकम हस्तान्तरण गर्नुभएको थियो । पीडितलाई राहत रकम हस्तान्तरण गर्दै पूर्वमन्त्री भण्डारीले प्राकृतिक विपत्ति कसैले चाहेर आउने नभएकाले शोकलाई शक्तिमा बदल्नुपर्नेमा जोड दिनुभयो ।
